Архангай аймгийн Анхдугаар Геометрийн олимпиад боллоо.

Архангай аймгийн Засаг даргын дэмжлэгтэйгээр хэрэгжиж буй "МАТЕМАТИК" хөтөлбөрийн хүрээнд "Геометр" аян 2014-2-15-наас 3-15 хүртэл зарлагдсан билээ. Уг олимпиадыг Манай сургууль зохион байгуулах эрхийг авсан юм. Олимпиадын нээлтэд Аймгийн Засаг Дарга Д.Бат-Эрдэнэ, Боловсролын газрын дарга А.Амгаланбаатар нар оролсон юм. Уг аянд Архангай аймгийн 26 сургуулийн бага анги, дунд ангийн математикийн 62 багш, 8-11-р ангийн 195 сурагч оролцлоо. 3-15-нд багш, сурагчдын олимпиад, багш нарт зориулсан сургалт, 3-16-нд сургалт гэсэн хөтөлбөрөөр явагдлаа. Олимпиад, сургалтыг зохион байгуулахаар МУИС-ийн МКСургуулийн Мат-Аналитикийн тэнхмийн эрхлэгч доктор Адъяасүрэн МУБИС-ийн КМСургуулийн захирал доктор Сандагдорж 18-р сургуулийн математикийн багш Өлзийсайхан 1-р сургуулийн математикийн багш Бат-Эрдэнэ ШУТИС-ийн лицей сургуулийн математикийн багш Уламбаяр Петровис ХК-ийн ерөнхий программист Одбаяр нар хүрэлцэн ирж ажиллалаа. Аяны хүрээнд зохион байгуулсан ажлын тайлангаараа 2-р байр Бага ангийн багшийн төрөлд багш Ш.Мөнхтуяа 2-р байр дунд ангийн багшийн төрөлд багш Г.Пэрэнлэй 3-р байр 10-р ангийн төрөлд Ч.Ганчимэг багшийн бэлтгэсэн 10В ангийн сурагч Билгүүн 3-р байр, Ууганбаяр 3-р байр 11/12 ангийн төрөлд Г.Пэрэнлэй багшийн бэлтгэсэн 11Д ангийн сурагч Дамбийбалжир 2-р байр, Уранбилэг 3-р байрыг эзэллээ. Олимпиадын багийн нийлбэр дүнгээр 2-р байрыг эзэлсэн өндөр амжилтыг үзүүллээ. Уг аянд математикийн багш нар маань сэтгэл гаргаж, багаар үр дүнтэй ажиллан маш сайн бэлдсэний үр ашиг гарсан гэж сургалт хариуцсан менежерийн хувьд үзэж байна. Аймгийн "Математик" хөтөлбөрийг хэрэгжүүлэх багийн зүгээс уг олимпиадыг цаашид уламжлал болгон зохион байгуулах санал тавьсаныг манай сургуулийн хамт олон таатай хүлээн авлаа. Мөн манай сургуулийн олимпиадын зохион байгуулалт "хангалттай" байна гэж дүгнэсэн юм. Математик хөтөлбөрийг амжилттай хэрэгжүүлж буй секцийнхээ бүх багш нарт, амжилт гаргасан багшдаа, амжилттай бэлтгэсэн багшдаа, амжилт гаргасан сурагчдадаа баяр хүргэж цаашид олон олон амжилтыг гаргаж байхыг хүсэн ерөөе.